كتب اسماعيل القصبى
قام المرشح على المقاعد الفردية بدائرة مركز المحلة الدكتور شوقى سعيد بجولة مكوكية شملت العديد من القرى وتوابعها قابل خلالها العديد من المواطنين الذين أعربوا عن سعادتهم بترشيحه وتمثيلهم تحت قبة البرلمان
وقد أكد الدكتور شوقى سعيد
بأن هذا اليوم كنت وسط أهلي الطيبين في عزبة الجميزة، في قلب مركز المحلة، وسط أراضي خضرا ريحتها بتفكرني بالأصل والبركة .
وعبرت لهم عن احترامى وتقديرى لكل اهلى الطيبين وأكدت لهم من قلبي بأن
“الفلاح هو اللي بيزرع الخير بإيده، هو اللي بيطعم البلد وبيحافظ على أرضها. الفلاح مش مجرد عامل… ده رمز للتعب، والشرف، والكرامة.”
وأنا عمري ما كنت بعيد عن الأرض ولا عن الناس دي…
أنا أصلي فلاح، وأبويا فلاح، وإخواتي لحد النهارده في الغيط بيزرعوا وبيحصدوا.
اتعلمت منهم إن الكرامة في الشغل، وإن البركة في الأرض، وإن الجدعنة مش بالكلام، بالعرق والتعب.
ووجودي اليوم وسطكم فكرنى بأصلى وريحة الفلاح الأصيل…
للناس اللي عمرها ما بخلت بعرقها ولا بحبها لبلدها،
وإن شاء الله، صوت الفلاحين هيكون مسموع، وحقوقهم محفوظة، لأنهم هم الأساس في كل بيت وفي كل لقمة عيش.
