بقلم أمال عثمان
مين رمضان الكل عارف
رمضان دا شهر القرأن
شهر كريم فيه يأتى الخير للغنى والفقير
الكل سبحان الله بيعيش فى بركه وخير لا حدود له
بتيجى اذاى ومنين ربك كريم
الحاجه بتزيد وتفيض
والطعام اشكال وألوان للكل
دا غير الهدوء والسلام النفسى للناس
والكل بيجتهد فيه اللى بالصيام والصلاة وفيه اللى بالصيام بس المهم لكل واحد اجتهاده الخاص
حتى اللى مش بيصلى بيصلى فى هذا الشهر حد حيقول طب مافى ناس كتير مش بتصلى ولا بتصوم
ايوة اكيد دولا خليهم لربنا يمكن يهديهم السنه دى
ويصلوا ويصوموا بس فى حاجه مهمه
ياريت قبل منحاسب ونبص على غيرنا نشوف انفسنا الاول ونحاسب انفسنا هل ينفع للحرامى يذكى بفلوسه
هل ينفع للنمام والفتان واللى ماشى يوقع بين الناس صيام
هل يقبل صلاة ظالم وصيامه
هل ينفع انسان صايم يبص على رزق غيرة ويحسد فيه ويتمنى زوالها
طب هل ينفع صيام لقاطع الارحام صيام
هل ينفع مغتصب حق غيرة او بيت غيرة بالظلم والقوة هل ينفع لهم صيام طبعا لكل دولا لا والف لا
ان الله ينظر الى قلوبكم واعمالكم ان الله عالم الغيب والشهادة ياريت الكل يغتسل ويتطهر من كل هذا قبل صيامه او قبل مجئ رمضان علينا ياريت يأتى شهر رمضان
والكل غاسل ذنوبه قبل سجاده
ياريت يجى رمضان منظفين قلوبنا قبل بيوتنا
ياريت نفرش سجادنا للصلاة وللصلاح قبل فرش بيوتنا
الكل يستعد ونقول اهلا رمضان بجد
ساعتها فعلا نقول رمضان فى مصر حاجه تانيه
والسر فى التفاصيل
يلا نستعد ونفرح بالشهر الكريم الذى فيه تتنزل الملائكه
وفيه يوم خيرا من الف شهر
قلمى حب يكتب خاطرة
وكتبها ممكن تعجب ناس وممكن متعجبش ناس
عادى المهم قلمى كتب وخلاص
واختم خاطرتى بأننى ادعوا للكل بالخير والبركه ولى ولكل احبابى واهلى وناسى واصحابى
وادعوا لمصر بالامن والامان وان يحفظها من اى عدو ويحفظ جيشها ورئيسها وشعبها يارب نعيش فى سلام
ويارب تقبل مننا خير الاعمال واصلاحها واحسن ختمنا ❤❤❤كل عام وانتم بخير❤❤❤
وكل عام والجميع بالف خير ويأتى رمضان علينا بالصحه والامن والامان والبركه والمغفرة
من عام لعام ننتظر رمضان
