خواطر بمناسبة ذكرى انتصار أكتوبر
فى ذكرى إنتصارات أكتوبر نقول :
الموجه والاديب / فريج فراج
إنتصرنا يوم عبرنا
وأدى قيمة الإنتصار
يوم رفعنا علمنا رفرف
فى سماها بإقتدار
يومها قلنا الله أكبر
بالعزيمة هانبنى دار
مش هانرضى بالمذلة
مش هانسمح بإنكسار
ربنا كان فى إنتظارنا
ولى ليلنا بالنهار
النهارده جاى ليفى
يستفزك بالحصار
يا بلدنا فيكى قوة
والعيون بتبخ نار
ساعة الجد أما تيجى
العجوز ينقب جدار
واللى هايقرب يجرب
راح يدوق طفح المرار
