اهو ده ابن الحرام…..

في ليله سوده عليه حمرة ع ناس تانين جابوني للحياه وبقيت ياناس يتيم يتيم وابويا عايش اليت يتم مين الاب ولا الام في الحرام عايشين
امي وابويا قضو ليله مع بعض ليله حلوه وكنت أنا النتيجه
هما اللي داقو الحلو انا زنبي اي ياناس يحبوني في ليله. سوده وبقيت ابن الحرام
وياريت كمان استكفو وخدوني في حضنهم بالعكس رموني جنب حيطه ولا كاني كنت لحمهم
حطومي جنب حيطه في كرتونه قديمه خالص بدون هدمه تسطر عظمي ولا شربه حليب حتي
طب اعمل اي انا وانا ياناس جعان وكمان ياناس سقعان
فضلت اصرخ واصرخ لحد ماعدي عليه ناس وقالو ياحرام ده طفل جميل اوي ناخده معانا أوام وفرحت انا بالدقي والحضن ياناس كمان
خدوني وجبولي لبن واكلوني ياناس كمان
وربو ابن الحرام مهما ناس كرام
وكبرت وحكولي كل اللي حصل معايا ومعاهم كمان وكبروني وعلمنوني وطلعت طبيب كمان وفتحت عياده وكتبت عليها عيادة الأيتام
لاني كنت حالف لما اكبر لازم اكون انسان انسان بمعني الكلمه مش كلمه ياناس انسان
انسان يحس بغيرة ويعمل اللي عليه لحظه مايشوف انسان محتاج الرحمه يرحم
كانت الناس زمان تعدي عليه وتشاور وتمتم بالكلام وتقول اهو ده ابن الحرام
دلوقتي كله يعدي ويقول ده ابن الكرام
شيفين ياناس الفرق بين الجملتين ابن الحرام وابن الكرام الفرق بسيط خالص حرفين غيرو معني الكلام بشويه تعب تعبته بقيت ابن الكرام
ودي ياناس حكايتي من الالف للياء اتمني تتعلمو وبعلمكو تكونو انتم ولاد كرام
بقلمي المتواضع .. سحر سالم

Related posts

Leave a Comment