كلمات :فوزي الطنوبي
لا أنا عاشق سنين بعدك
ولا هجرك ولا خصامك
انا ابنك وكان أملي
اعيش العمر خدامك
أنا كلمة …..ومنسية
في صفحة قديمة في كتابك
انا حرف ف أ غنيةحزينة جمعها رسامك
انا اهه….و……..محبوسة
بين فقري وسندانك
ولوضاعت سنين عمري
في حبك 🇪🇬 عمري ما اتكلم
لكن حقي ……أنا إنسان
من جوايا بتالم
هجرتك واتسرق حلمي على عتابك
هجرتك وانتحر أملي وانا واقف على بابك
تعبت كتييروكان نفسي يبان عملي
شيلت ف إيدي أوراقي
ما بين نظري وبين عملي
وكان منتهى أملي
وأنا ماشي في سردابك
أغزل م السما نجمه
أحقق بها أحلامك
رجعت والطريق مسدود
وأوراقي بتخنقني وتهمس لي
يا ساكن في وطن محدود
ليه تبقى سجين حلمك
ولو أملك تكون فارس
هاجر دا الميدان موجود
أرحل من حدود لحدود
عملت شهادتي مركبتي وشراعي
سبحت في موجه رفضاني بلا داعي
لفظتني وتاه في الغيبة عنواني
سكني الخوف وثار قلبي ووجداني
وف لحظة غرقت
وضاعوا كل خلاني
ووياهم صديق عمري
سكب دمعه بموج البحر
ودعني ووصاني
وحلفني أقول ليكي:
لا انا عاشق سنين بعدك
ولا هجرك ولا خصامك
انا ابنك وكان املي
اعيش العمر خدامك
