✍️ بقلم: محمد الشامي
بقينا نعيش في زمن غريب…
الناس مش بتصور عشان تنصر مظلوم…
ولا بتفتح لايف علشان تحقّق عدل…
الناس بقت بتستفز بعضها علشان توقع بعض في الغلط،
وبعدها على طول:
> افتح الكاميرا… وقول: يا وزارة الداخلية الحقينا! 😳📢
بقينا نخاف نتكلم…
نخاف نعبر…
نخاف حتى نغلط غلطة بشرية طبيعية…
لإنك مش عارف مين واقف مستنيك بالموبايل،
ولا مين هينزّل الفيديو بعنوان يدمرك:
> “شوفوا الراجل ده عمل إيه!”
مافيش ستر
مافيش نخوة
مافيش حد بيعدّي لحد
بقينا نعيش وسط ناس بتصطاد لحظة ضعف…
ناس بتستدرجك بالكلام أو بالنظرة أو بالخناق…
وبعدين يمسكوا الموبايل يصوروك وأنت بتنفعل،
وهم في الآخر يبانوا قدّام الناس ضحية…
وأنت تطلع “المجرم” اللي يستاهل الحبس!
فين أيام زمان لما كان الراجل يفصل خناقة؟
فين لما كنا بنقول لبعض “عديها يا صاحبي، إحنا بشر”؟
فين الشهامة اللي كانت بتستر، مش تفضح؟
اللي بيصور غلط، واللي بيستفز عشان يصور… أخطر من الغلطان نفسه!
لأن النية هنا مش حق…
النية شهرة، ترند، فضيحة!
✋ الكاميرا مش سلاح…
✋ وكرامة الناس مش مادة للتسلية!
#بقلم_محمد_الشامي
#الناس_بتستفز_بعض
#كفاية_تصوير
#كاميرا_وتشهير
#مش_كل_حاجة_تتصور
#الستر_أخلاق
#الشهامة_مش_لايف
