بقلم ـ دكتور سامح حليم
حزين جدا علي هذا الجيل الذي لم يلقي التربيه السليمه للأسف الشديد ؛جيل فسد جيل كامل إتجه إلي سكه خاطئه ‘البلطجه والتقليد والمهرجانات للأسف وجد في الإدمان و الكيف والشرب هروبا من الواقع ولم يجد أي توجيه أو متابعة من الأهل
الذين لم يعودوا يهتموا بتربية أولادهم وتعليمهم الإحترام والقيم وإنشغلوا للاسف بأعباء الحياة دون إيجاد الوقت لأبناءهم حتي يعطوهم النصائح التي تعلمهم وتجنبهم السلوك السيء ـ فكلا من الأب والأم أصبح ف وادي كل واحد منهم أصبح ف دوامه وللاسف أصبح
الزوج والزوجة بعيدين كل البعد عن بعضهما كل منهما له حياته المنفصلة خارج حدود الأسره فكثرت الخيانه ولم يعد أيا منهم راض عن شريك حياته
فالست من الحرمان أصبحت تبحث عن كلمه حلوه من أي شخص دون النظر لأي قيم
وأصبح النت والموبايل هو شغلهم الشاغل ولذلك فلابد أن يكون هذا الجيل بهذا الشكل المخزي جيل فاشل بيعرف يشتم كويس ويقول اقبح الشتايم والسب
بيعرف يلعب قمار ويدمن الالعاب اللي فيها فلوس من غير تعب ولا مجهود ..
بيعرف يغني كويس قوي ويحفظ كل الكلام الهابط
بيعرف يتحرش كويس جدا وطول الوقت معاكسات
بيعرف يسمع اسوء الحاجات اللي ممكن تتخيلها
بيمشي يرقص ف الشارع ويتلفظ بكل الألفاظ غير الائقه
بيحاول يدور علي حاجه تفقده الوعي ويفتكر انه راجل
فوقوا بقي كفايا ضيعنا نفسنا وكل واحد فينا هيهلك لو مخلاش باله بلاش تقليد ف ممثلين ومغنيين تافهيين لحد مخلاص عيالنا بقيت فارغه معندهاش رجوله ولا حاجه تعرف تستثمرها ارجوكم اعقلوا بقي وراجعوا نفسكم وحاولو تراعوا ربنا ف اولادكم وبيتكم…. د.سامح حليم
حين غابت التربية ضاع الجيل
